Loading... 20 October 2020|   बुधबार, कार्तिक ५, २०७७   

सवारी दुर्घटना र असुरक्षित सडक सुरक्षालाई व्यवस्थित बनाउनुपर्ने माग

  |  135 Views

सुर्खेत ।सुर्खेतमा क्रियाशिल विभिन्न संघसस्थाले बीरेन्द्रनगर नगरपालिकालाई बढ्दो सवारी दुर्घटना र असुरक्षित सडक सुरक्षालाई व्यवस्थित बनाउनुपर्ने माग राख्दै ज्ञापनपत्र बुझाएका छन। मोटे ग्याङ्ग नेपालको अगुवाईमा विभिन्न संघसस्थामा आवद्ध युवाहरुले विभिन्न १० बुँदे मागहरु सहितको ज्ञापनपत्र बुझाइएको बताएका छन।

पछिल्लो समय प्रदेशको राजधानी रहेको वीरेन्द्रनगरमा सवारी दुर्घटना, अव्यवस्थित सडक भएको भन्दै यसप्रति आफुहरुको गम्भिर ध्यानाकर्षण भएको साँझा अभियान नेपालका संयोजक अनिल ढकालले बताउनुभयो। उहाँले सडक सुरक्षा सबैको साझा समस्या भएको भन्दै नियमक निकायको फितलो व्यवस्थापनले सडक दुर्घटना तथा अस्तव्यस्त सडक बनेको बताउनुभयो।

सुरक्षीत सडकका लागी साझा अभियान नारा सहित युवाहरुले नियमक निकायलाई घचघच्याउन आफुहरु सचेतनामुलक अभियानमा जुटेको बताएका छन। युवाहरुले ट्राफिक चिन्ह र संकेतहरुको व्यवस्थापनका गर्नुपर्ने, पुश अस्पताल निर्माण, छाडा पशुचौपायाको दिर्घकालिन व्यवस्थापनका लागी छिटो पहल हुनुपर्ने बताएका छन। यस्तै सडक सुरक्षा गुरुयोजना तत्काल कार्यान्वयन गर्नुपर्ने,बढ्दै गरेको सडक दुर्घटना न्यूनिकरणका लागी तत्काल उपयूक्त कदम चाल्नुपर्ने नगरभित्र अव्यवस्थित पार्कीङ्ले व्यवस्थित गर्नुपर्ने माग गरेका छन।

युवाहरुले कालोपत्रे गरिएका सडकमा भएका खाल्टा खुल्टी पुर्नुपर्ने, अव्यवस्थित रुपमा पालिएका कुकुर, हाँस र कुखुरा जस्ता घरपालुवा जनावरका कारणले दुर्घटना बढेकाले यसको व्यवस्थापनका लागी दिर्घकालिन योजना बनाउनुपर्ने माग गरेका छन। संयोजक ढकालले आफुहरुले उठाएका विषयमा नगरपालिका साथ नगरपालिकाले चालेका सचेतना अभियानमा सहयोग गर्ने प्रतिबद्धता जनाउनुभयो।

युवाहरुले यसको जानकारी सामाजिक विकास मन्त्रालय,जिल्ला प्रशासन कार्यालय, जिल्ला प्रहरी कार्यालय, ट्राफिक र सामुदायिक सुधार संस्थामा पनि गराईएको बताएका छन। यता कार्यवाहक नगर प्रमुख मोहनमाया ढकालले युवारहरुले उठाएका मागहरु जायज भएको भन्दै यसलाई सम्बोधन गर्न आफु लागिपर्ने बताउनुभयो।

प्रकाशित मितिः सोमवार, साउन २६, २०७७     7:07:43 PM
बुलबुले खबरलाई सिधै एपबाट खोल्नुहोस् । एप डाउनलोड गर्नका लागि यहाँ क्लिकगर्नुहोस् ।

Leave a Reply

Your email address will not be published. Required fields are marked *