Loading... 20 October 2020|   बुधबार, कार्तिक ५, २०७७   

बाँके र बर्दिया कर्णालीमा गाभ्न सुर्खेतलाई नेतृत्व गर्न आग्रह

  |  988 Views

सुर्खेत, ६ माघ । बाँके र बर्दियालाई कर्णाली प्रदेशमा गाभ्न सुर्खेतका व्यापारीहरुलाई अगुवाई गर्न बाँकेका व्यापारीहरुले आग्रह गरेका छन् । अध्ययन अवलोकनका लागि भारत हिडेको सुर्खेत उद्योग बाणिज्य संघलाई नेपालगञ्जमा स्वागत गर्दै बाँकेको व्यापरीहरुले यस्तो आग्रह गरेका हुन् ।

बाँके उद्योग बाणिज्य संघले नेपालगञ्जमा आयोजना गरेको अन्तरक्रियामा बोल्दै नेपाल उद्योग बाणिज्य महासंघका केन्द्रीय सदस्य कृष्णप्रसाद श्रेष्ठले नुनदेखी चामल र रोटी–बेटीको सम्बन्ध रहेको बाँके र बर्दियालाई कर्णालीमा गाभ्नु पर्ने बताए । ‘संघीयताका कारण ठूलो क्षती बाँके र बर्दियालाई भएको छ’ श्रेष्ठले भने, ‘अब कर्णालीमा गाभ्नका लागि सुर्खेत उद्योग बाणिज्य संघले यसको अगुवाई गर्नुपर्ने बेला आएको छ । यतिबेला कर्णालीलाई बाँके–बर्दिया र बाँके–बर्दियालाई कर्णालीको जरुरी छ ।’ पुर्खादेखीको सम्बन्ध रहेको राप्ती, कर्णाली र भेरीलाई संघीयताले विचल्लीमा परेको श्रेष्ठको भनाई छ । ‘पहिलेदेखी नै बाँके र बर्दिया कर्णालीबाट अलग हुनुहुँदैन भन्ने हाम्रो तर्क थियो’ श्रेष्ठले थपे, ‘विषम परिस्थितिमा उक्त मुद्दालाई निष्कर्षमा पु¥याउन सकेनौं । अहिले अधिकाँशको धारणा कर्णालीमा गाभ्नु पर्ने रहेकाले सुर्खेतलाई यसको नेतृत्व गर्न आग्रह गर्दछु ।’

बाँके र बर्दियको सम्बन्ध वर्षौदेखी रहेकाले अझैपनि एकै प्रदेशमा जानु पर्नेपर्छ भन्ने धारणा आफूहरुको रहेकोा बाँके उद्योग बाणिज्य संघका अध्यक्ष नन्दलाल बैश्यले बताए । उनले अहिले कर्णालीमा गाभ्ने विषय सतहमा आएकाले यसको अगुवाई सुर्खेतलाई गर्न आग्रह गरे । ‘व्यापारिकदेखी धार्मिक सम्बन्ध नै कर्णालीसंग वर्षौदेखी जोडिएको हो’ वैश्यले भने, ‘अझै पनि हामी कर्णालीमा समाहित हुन बलिदान दिन तयार छौं । अब बाँके र बर्दियालाई कर्णालीसंग जोडर उत्तरदेखी दक्षिणसम्मका नाका जोड्न जरुरी छ ।’

संघिय संरचनाबाट हामी ठगिएको बताएका उनले कर्णालीविना बाँके–बर्दिया र बाँके–बर्दियाविना कर्णालको समृद्धि नहुने भएकाले दबावमुलक अभियान जरुरी रहेको उल्लेख गरे । नेपालगञ्ज उद्योग बाणिज्य संघका वरिष्ठ सल्लाहकार ईश्वर पोखरेलले अहिले कर्णालीसंग अलग रहेर बाँके बर्दियाको व्यवसाय अघि बढ्न नसक्ने बताए । सरकारी उद्योगलाई धरासाही बनाएको सरकारले अन्तत औद्योगिक नगरी बाँकेका नीजि उद्योगलाई समेत तहसनहश पार्ने योजनामा लागेको उनले दुखेसो पोखे । उदेश्य प्राप्तीका लागि अभियान जारी राख्नु पर्ने भन्दै सुर्खेत उद्योग बाणिज्य संघका अध्यक्ष धनबहादुर रावतले बाँकेका व्यापारीहरुको साथ र समर्थन रहे नेतृत्व लिन आफूहरु तयार रहेको बताए । ‘प्रदेश प्राप्तीमा पनि सुर्खेतबासीले ज्यानै दिएको सबैलाई थाहै छ’ रावतले भने, ‘बाँके र बर्दियालाई कर्णालीमा गाभ्न आफूहरुले बहस र पैरवी जारी राखेकाले साथ र समर्थनमा एक भएर लाग्न आवश्यक छ ।’

उदेश्य प्राप्तीका लागि अभियान जारी राख्नु पर्ने भन्दै सुर्खेत उद्योग बाणिज्य संघका अध्यक्ष धनबहादुर रावतले बाँकेका व्यापारीहरुको साथ र समर्थन रहे नेतृत्व लिन आफूहरु तयार रहेको बताए । ‘प्रदेश प्राप्तीमा पनि सुर्खेतबासीले ज्यानै दिएको सबैलाई थाहै छ’ रावतले भने, ‘बाँके र बर्दियालाई कर्णालीमा गाभ्न आफूहरुले बहस र पैरवी जारी राखेकाले अब एक भएर यो विषयलाई अघि बढाऔं ।’ अध्ययन अवलोकन भ्रमणका भारत हिडेको सुर्खेत उद्योग बाणिज्य संघको टोलीले तीन वर्षे कार्ययोजना बनाएर फर्किने महासचिव लक्ष्मण कंडेलले जानकारी दिए । संघलाई व्ययभार पर्ने भएकाले पदाधिकारीहरुले व्यक्तिगत खर्च उठाएर अवलोकन भ्रमणमा निस्केको पनि बताए ।

प्रकाशित मितिः आइतवार, माघ ६, २०७५     6:10:45 PM
बुलबुले खबरलाई सिधै एपबाट खोल्नुहोस् । एप डाउनलोड गर्नका लागि यहाँ क्लिकगर्नुहोस् ।

Leave a Reply

Your email address will not be published. Required fields are marked *