Loading... 18 September 2019|   बुधबार, असोज १, २०७६   

असहाय बालवालिकालाई शैक्षिक सामग्री सहयोग

  |  199 Views

सुर्खेत, २६ जेठ । वीरेन्द्रनगर २ का असहाय बालवालिकाहरुलाई बालरोग विशेषज्ञ डाक्टर नवराज केसीले शैक्षिक सामग्री सहयोग गरेका छन् । स्थानीय प्रभात मावि कोलडाँडामा अध्ययनरत ३५ जना विद्यार्थीहरुलाई केसीले झोला र कापि कलम उपलब्ध गराएका हुन् । शिर्षकको समाचार प्रकाशनमा भएपछि डाक्टर केसीले बालवालिकाहरुलाई सहयोग गरेका हुन् ।

आइतवार एक कार्यक्रमकाबीच विद्यालयका प्रध्यानाध्यापक भीमबहादुर खड्का र डाक्टर केसीले संयुक्त रुपमा शैक्षिक सामग्री प्रदान गरेका हुन् । विपन्न र असाहाय बालवालिकाको पढाइलेखाइमा सहयोग होस् भन्ने उद्देश्यले सहयोग गरेको डाक्टर केसीले बताए । ‘गरिवीको कारणले कोही पनि बालवालिकाहरु विद्यालय जानबाट वञ्चित हुन नपरोस्’ उनले भने, ‘जसले गर्दा बालवालिकाहरु विद्यालयमा नियमित होउन र सहज तरिकाले पढ्न पाउन भन्ने उद्देश्यले सहयोग गरेको हुँ ।’

आर्थिक अवस्था कमजोर भएका र बुवा आमा नभएका यस्ता बालवालिका कापिकलम र झोला नलिएरै विद्यालय जाने गरेका थिए । बिना पोशाक र कापिकलम विद्यालय आउँदा पढाइलेखाइमा समस्या भएको विद्यालयका प्रध्यानाध्यापक भीमबहादुर खड्काले बताए । जसका कारण उनीहरु विद्यालयमा नियमित हुन समस्या थियो । कतिपय बालवालिका भाइबहिनीको पढाउन आफै नपढेर बसेका छन् । विद्यालयमा अध्ययनरत करिव पाँच सय विद्यार्थी नै न्युन आर्थिक अवस्थाका बालवालिका रहेको उनले बताए । जसमध्ये एक चौथाई जति बुवाआमा नभएको तथा वुवा वा आमा नभएको रहेको खड्काले बताए ।

अधिकांश दलित समूदायको बसोवास रहेको यस बस्तीमा धेरैजसो बालवालिकाहरु बेसाहारा रहेको स्थानीय अमृता काकीले बताइन् । उनले बुवाआमा बैदेशिक रोजगारमा जाने र छोराछोरी विचल्लीमा पर्ने गरेको बताइन् । ‘यहाँका धेरैजसो मजदुरी गरेर साँझ विहानको छाक जुटाउन धौ धौ पर्छ’ उनले भनिन्, ‘भोको पेटमा यहाँका सबै बालवालिका राम्रोसँग पढ्न पाएका छैनन् ।’ गरिवीको कारण यहाँका बालिकाहरु कलिलै उमेरमा विवाह गर्ने गरेका उनको भनाई थियो ।

Bulbule
प्रकाशित मितिः आइतवार, जेठ २६, २०७६     9:44:33 PM
बुलबुले खबरलाई सिधै एपबाट खोल्नुहोस् । एप डाउनलोड गर्नका लागि यहाँ क्लिकगर्नुहोस् ।

Leave a Reply

Your email address will not be published. Required fields are marked *