Loading... 21 August 2019|   बुधबार, भदौ ४, २०७६   

रारा राष्ट्रिय नाटक महोत्सव सुरु, सम्भावना देखाउन उपप्रधानमन्त्री पोख्रेलको आग्रह

  |  352 Views

सुर्खेत, २३ फागुन । कर्णाली प्रदेशको राजधानी वीरेन्द्रनगरमा पहिलो पटक रारा राष्ट्रिय नाटक महोत्सव शुरु भएको छ । संघीय सरकारका उपप्रधान तथा रक्षा मन्त्री ईश्वर पोख्रेलले महोत्सवको उद्घाटन गरेका हुन् ।

महोत्सव उद्घाटन गर्दै उपप्रधानमन्त्री पोखरेलले नाटकमार्फत सम्भावनाको बाटोमात्रै देखाउन कलाकारलाई अनुरोध गरे । ‘तपाइहरु समाजको ऐना हो, तपाईहरुले अब निराशाको बाटो देखाउनुहुँदैन’ उनले भने, ‘नाटकमा पनि समृद्धिका सम्भावना देखाइदिनुहोस्, ता कि निराश भएकाहरु पनि काममा लागिपरुन् ।’ यस्तै, देशमा आर्थिक समृद्धिका लागि सबै क्षेत्रका नागरिक संगठित हुनुपर्ने उनको भनाइ थियो ।
सरकारले आधार तयार गरिरहेकाले ‘सुखी नेपाली, समृद्ध नेपाल’ को नारालाई साकार पार्न सबै नागरिकहरु अभियानमा सरिक हुनुपर्ने बताए । ‘एक वर्षमा सरकारले आफ्नो आधार तयार पारेको छ’ उनले भने, ‘अब त्यही आधारमा टेकेर समृद्धिपथमा लम्किने छ ।’ यसमा सरकार एक्लैलले केही गर्नसक्दैन, नागरिक सबैको साथ आवश्यक भएको उनको भनाई छ । सरकारले घोषणा गरेको ‘सुखी नेपाली, समृद्ध नेपाल’ को नारा कुनै भाषण नभएको बताउँदै नारालाई पुरा हुनका लागि आत्मनिर्भरता, उत्पादन, स्वरोजगार र आर्थिक विकास हुने स्पष्ट पारे ।

भाषण गरेजस्तो एकैपटक परिवर्तन सम्भव नहुने उनको भनाई छ । ‘परिवर्तनहरु विस्तारै देख्न सकिन्छ’ उनले भने, ‘समृद्धिका लागि सबैले सकारात्मक सोचका साथ अभियानमा सरिक भएमा परिवर्तन आफै देख्नुहुनेछ ।’ देशभरीका रंगकर्मीहरुलाई प्रस्तुत गर्ने नाटकहरुमा पनि व्यवस्थाप्रतिको वितृष्णा भन्दा पनि सकारात्मक चेतना पैदा हुने गरी प्रस्तुतीकरण राखिदिन अनुरोध गरे कानुन अभावका कारण सबै कामहरु एकैपटक गर्न नसकिएको मन्त्री पोख्रेलले स्वीकार गरे ।

महोत्सव उद्घाटनमा कर्णाली प्रदेश सरकारका मुख्यमन्त्री महेन्द्रबहादुर शाहीले संघले प्रदेशलाई अधिकार नदिएको गुनासो गरे । रक्षामन्त्री पोखरेललाई उनले सबैतर्फबाट कर्णालीप्रति सहानुभुति भइरहेका बेला संघबाट नहुनु दुःख भएको सुनाए । कला र संस्कृतिको उद्गम कर्णालीमा पहिलोपटक भएको महोत्सवमा सहभार्गी रंगकर्मीहरुलाई मुख्यमन्त्री शाहीले आवश्यक सहयोग गर्नका लागि तयार रहेको प्रतिबद्धता जनाए । सात दिनसम्म संचालन हुने महोत्सवमा १३ नाटक मञ्चन हुने महोत्सवका संयोजक तथा बरिष्ठ रंगकर्मी प्रभाकर शर्माले जानकारी दिए । एक प्रदेशबाट दुई÷दुई वटा नाटक मञ्चन हुनेछन् । बिहीबार पहिलो दिन आरङ्ग नेपालको तर्फबाट मुसलपर्व मञ्चन भएको छ ।

सांस्कृतिक संस्थान र आरङ्ग नेपाल सुर्खेतले आयोजना गरेको रारा राष्ट्रिय नाटक महोत्सव फागुन २९ गतेसम्म सञ्चालन हुने छ । संघीय राजधानी बाहिर पहिलो पटक कर्णालीमा नाटक महोत्सव भएको भन्दै यसले सरकारले लिएको समृद्ध नेपाल सुखी नेपालीको लक्ष्य प्राप्तीको अभियानमा सहयोग पु¥याउने आरंङ्ग नेपाल सुर्खेतका अध्यक्ष गणेशभक्त गौतमले बताए ।महोत्सवका लागि विभिन्न जिल्लाका मुसल पर्व, आरन, छाउ, म पहिलो सन्तान किसान जन्माउँछु, आमाको सपना, दहेज आ दारु, श्रीमान् वीरबहादुर, जिउँदो आकाश, फड्को, नौगेडि लगायतका नाटक प्रस्तुत गरिने गौतमले बताए ।

Bulbule
प्रकाशित मितिः बिहीबार, फागुन २३, २०७५     6:09:58 PM
बुलबुले खबरलाई सिधै एपबाट खोल्नुहोस् । एप डाउनलोड गर्नका लागि यहाँ क्लिकगर्नुहोस् ।

Leave a Reply

Your email address will not be published. Required fields are marked *